विवाह समस्या | प्रश्न झाला यक्ष्ण
करती प्रयत्न | माय बाप ||१||
शिक्षण महान | उच्चतम नारी
गगनी भरारी | सर्व क्षेत्री ||२||
आई बाबा शोधी | कन्येसाठी स्थळ
प्रश्न बारगळ | होई सदा ||३||
अती शिक्षणाने | स्वतःचा निर्णय
घडतो निर्दय जीवनात ||४||
सारे सुख हवे | गाडी व बंगला
नियती टांगला | उभयतां ||५||
सासू सासऱ्याचे | ओझेच कशाला
न घेती हवाला | सांभाळण्या ||६||
आई आडवते | मुलीतले सुख
करते विन्मुख | घटस्फोटा ||७||
समतोल धन | आईचा हव्यास
जाते विपर्यास | घडे वाद ||८||
मुलीचे आयुष्य | नसे तिज चिंता
जाळीतसे चिता | घरोघरी ||९||
आग लावुनिया | होतो स्वप्न भंग
जगण्याचा ढंग | मालवतो ||१०||
एक मुल हवे | पाळणा घरात
निघते वरात | संस्कारांची ||११||
आजी नको घरा | संस्कार मिळेना
मुलीस कळेना | नातेबंध ||१२||
— रचना : शोभा कोठावदे. नवी मुंबई.
— संपादन : देवेंद्र भुजबळ.
— निर्माती : सौ अलका भुजबळ. ☎️ 98694 84800