मुख्यमंत्री उद्धव ठाकरे यांना वाढदिवसानिमित्त कलाकाराची अनोखी भेट

मुख्यमंत्री उद्धव ठाकरे हे प्रतिथयश छायाचित्रकार म्हणून प्रसिद्ध आहेत. मुख्यमंत्री म्हणूनही त्यांनी अल्पावधीतच आपली छाप उमटवली आहे. त्यात गेली ४ महिन्यापासून कोरोनाच्या संकटाला ते अत्यन्त धीराने तोंड देत असून जनतेला सतत विश्वास देत आहेत. याने प्रेरित होऊन चित्रकार प्रकाश सोनवणे यांनी कोरोना योध्दांच्या कार्याविषयी आभार व्यक्त करणारा सचेतपट (animation film) ‘साखळी – The Chain of Corona’ तयार केला आहे. हा सचेतपट मुख्यमंत्र्यांच्या वाढदिवशी म्हणजेच २७ जुलै रोजी रिलीज होत आहे. प्रकाश सोनवणे जे. जे. स्कूल ऑफ आर्टचे प्राध्यापक आहेत.

कोरोना योध्दाच्या कार्याची दखल घेऊन त्यांच्या आभारासाठी सचेतपट साकारला आहे. यासाठी त्यांनी २००८ ते २०२० या कालावधीतली निवडक चित्रे घेऊन त्यांना सचेतन करून फिल्म आर्ट स्वरूपात मांडण्याचा प्रयत्न केलेला आहे.

साधारण तीन महिन्यांच्या लॉक डॉउनच्या काळात हि ऍनिमेशन आर्ट मूवी तयार केली. सध्या कोरोनाच्या बिकट परिस्थितीत संपूर्ण जग हतबल झालेले आहे. यासाठी आपलॆ डॉक्टर ,नर्स, सफाई कर्मचारी ,पोलीस यंत्रणा यासह अनेक यंत्रणा आपल्या स्वास्थ्यासाठी अथक प्रयत्न करत आहेत. परंतु सोबत आपलीही काही जबाबदारी आहे, ज्यामुळे आपण या परिस्थितीतून बाहेर येऊ. या संपूर्ण विषयवार भाष्य करणारा हा सचेतपट आहे.

By प्रा. सुभाष पवार