चला, कास पठार पाहू या !

जागतिक वारसा स्थळ दिन १८ एप्रिल रोजी असतो. या निमित्ताने खास न्युज स्टोरी टुडे च्या वाचकांसाठी
महाराष्ट्रातील जागतिक वारसा स्थळांपैकी एक असलेल्या सातारा जिल्ह्यातील कास पठाराची माहिती आणि नयनरम्य छायाचित्रे पाठविली आहेत, निसर्ग छायाचित्रकार विजय होकर्णे यांनी. ही छायाचित्रे आपली पावले या पठाराकडे नक्कीच वळवतील…
— संपादक

जागतिक वारसा दिन हा केवळ भूतकाळातील चमत्कारांचे कौतुक करण्यासाठी नाही तर त्या इतिहासाचे भावी पिढ्यांसाठी संरक्षण आणि संवर्धन करण्यासाठी, लोकांमध्ये यथा योग्य जागृतीसाठी करण्यासाठी साजरा करण्यात येत असतो. हा दिवस आपल्याला पृथ्वीवर असलेल्या सांस्कृतिक आणि नैसर्गिक संपत्तीची आठवण करून देतो.

या दिवसासाठी दर वर्षी एक संकल्पना निश्चित करण्यात येते. २०२५ या वर्षासाठीची संकल्पना ही “आपत्ती आणि संघर्षाच्या धोक्यांपासून या अमूल्य स्थळांचे संरक्षण करण्याच्या गरजेवर लक्ष केंद्रित करणे” ही आहे.

युनेस्को ने जाहीर केलेल्या जागतिक वारसा स्थळांच्या संरक्षित यादीत महाराष्ट्रातील ७ स्थळे आहेत. त्यापैकी
सातारा जिल्ह्यातील कास पठार हे स्थळ या यादीत २०१२ साली समाविष्ट करण्यात आले असून ते आता पर्यटन स्थळ म्हणुन विकसित झाले आहे.

कास पठार म्हणजे जैवविविधतेचा हॉटस्पॉट आहे. ऑगस्ट ते ऑक्टोबर या काळात फुलणाऱ्या विविध प्रकारच्या रानफुलांसाठी आणि फुलपाखरांसाठी ते प्रसिद्ध आहे. या पठारावर २८० फुलांच्या प्रजाती व वनस्पती वेली, झुडपे आणि इतर प्रजाती मिळून ८५० प्रजाती आढळतात. २८० पुष्प प्रजातींपैकी येथे ३९ प्रजाती तसेच सुमारे ५९ जातींचे सरिसृप (सरपटणारे प्राणी) आढळतात.

तर मग येत्या ऋतूत कास पठार नक्की पाहणार ना ?

— लेखन, छायाचित्रण : विजय होकर्णे. नांदेड
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800