प्रसिद्ध कवयित्री बहिणाबाई चौधरी यांची आज १४२ वी जयंती आहे. त्या निमित्त ही काव्यरचना….
माझ्या बहिणाईची गाणी |
काव्य मराठीस देती संजीवनी ||
गावातील मंदिरे ह्याच होत्या शाळा |
गाणी रचुनी फुलविला काव्य मळा ||
गाणी बहिणाईची वाहता गंगेचा पाट |
मना लावी जिव्हाळा शब्द मधुर दाट ||
गाणी जुन्यात चमकती बहिणाईची |
कानी नव्याने पडती ओवी अहिराणीची ||
माती,मातीत पेरिलं अनमोल शब्दधन |
बोली अहिराणीत भरलं हे काव्यधन ||
माझ्या बहिणाईच्या गाण्यात निसर्ग प्रतिमा झिरपते |
ओव्या वाचता, वाचता त्यातुनी मज बहिणाई दिसते ||
– रचना : प्रविण खोलंबे. मुरबाड, जिल्हा ठाणे.
– संपादन : देवेंद्र भुजबळ. ☎️ 9869484800