वाचक लिहितात…

नमस्कार मंडळी.
वाचक लिहितात….सदरात आपलं स्वागत आहे.
गेल्या पंधरवड्यात प्राप्त झालेल्या प्रतिक्रिया पुढे देत आहे.
नवीन आर्थिक वर्ष आपल्याला भरभराटीचे जावो, या हार्दिक शुभेच्छा.
आपला
देवेंद्र भुजबळ. संपादक

नमस्कार 🙏🏻🙏🏻
आपल्या पोर्टलवरील रोजची सदरे मी नियमित वाचते. सर्वच सदरे सुंदर असतात .
८ मार्च चे सर्व लेख सुंदर होते. महिलांवरील कविता ही सुंदर होत्या.
दिनांक ९/३ चे ऑस्ट्रेलियातील शिवजयंती उत्सव वाचून खूप आवडला. मेघना साने यांनी सुंदर वर्णन लिहिले आहे.
‘माझ्या दृष्टिकोनातून अमेरिका’ लेख ही आवडला. कविता ‘अलगुज’ ही छान होती.
दिनांक १०/३ चे गाडगे बाबांचे सेवा कार्य हा लेख थक्क करणार होता.
श्रीकृष्ण बेडेकर यांना भावपूर्ण श्रद्धांजली.
सहज सुचलं म्हणून ही छान.
क्रांतीज्योती सावित्रीबाई फुले यांवर च्या सर्व कविता सुंदर आहेत.
दिनांक ११/३ चे नागेश शेवाळकर यांनी धमाल किस्से सांगून हसवले आहे.
चित्र सफर ही माहिती पर लेख आहे.
कविता घर 🏡 ही खूप सुंदर. साऱ्यांसाठी धन्यवाद.🙏🏻🙏🏻🙏🏻
– कवयित्री, लेखिका, आशा दळवी
दुधेबावी, जि: सातारा

माहिती. आठवणी एकदम मस्त झोकून देऊन काम केले अन् कामाची पूर्तता झाली की मिळणारे समाधान अविस्मरणीय असते.
अशोकदादा मुलाखत छान
– गोविंद देशपांडे. निवृत्त माहिती अधिकारी, पुणे

Mahititil Athwani quite informative n help recollect the significant n unforgettable occurences like multiple bomb explosions in Mumbai, demolition of Babri masjid, transfer of CM’s chair from Naiksaheb to Pawar Saheb, our officers working in those days like Mahajan Saheb Padmakar Kayade, Ambekar Saheb n some other happenings with those who were the witness to those n also to them who were not but eager to know it. 👍🙏
– Ranjitsing Chandel. Retd DIO, Yavatmal

राजेश पाटील यांच्या चिकाटी व प्रयत्नांची पराकाष्ठा कौतुकास्पद आहे. त्यांच्या पासून इतर युवक.. युवतींनी प्रेरणा घ्यावी. हीच सदिच्छा…. 👌🏻
पुस्तक परिचय…
‘अचूक निदान’
आपण डॉ. ला देव समजून वाटेल तेवढा खर्च करून उपचार घेतो. पण रोगाचे योग्य निदान होईलच याची शाश्वती नसते. बापट सरांचे ‘अचूक निदान’ वाचणे आवश्यक आहे. तोरणे सरांचे समिक्षण वाचनीय
– सुधाकर धारव. यवतमाळ

“जीवन प्रवास”…
पुस्तक परिचय खूप छान करुन दिला आहे.
एप्रिल फुलची कथा नि माहिती खूप छान…
‘बापलेकी’ पुस्तक वाचले आहे.
खूप छान आहे. परिचय खूप छान करुन दिला आहे.
– नागेश शेवाळकर. पुणे

वर्षाताई आणि पंकज काटकर ..👌 प्रेमविवाहाला खडतर जीवन हा जणू शापच का असतो ?
पंकज काटकर, अहो सारेच जण मुखवटे घालूनच जगतायत.
मुखवटा फेकून जसे आहोत तसे जगण्याचे धाडस फार कमी जणांनाच जमतं.
– प्रकाश पळशीकर, पुणे.

सगळे लेख छान आहेत. त्यातल्या त्यात एकल महिलांचा फॅशन शो फारच छान. समाजात अशा गोष्टी झाल्या तर समाज सुधारणा खूप वेगाने होईल. मागच्या अधिक महिन्या आम्ही काही मैत्रिणींनी विधवा व मोलाने घरकाम करणार्या स्रीयांना जेवण देऊन अधिकवाण पण दिलं होतं. तेंव्हापासून त्या स्रीयांना खूप आधार वाटू लागला. तुमच्या बातमी मुळे अनेक लोक विधवांचा सन्मान करतील ही अपेक्षा आहे.

सगळेच लेख उत्क्रुष्ट. सावरकरांच्या वाड्याचं वर्णन वाचताना त्यांच्या बद्दलचं प्रेम उफाळून आलं आणि सध्या जे त्यांच्यावर टीका करताहेत त्यांच्या अल्पबुद्धीची कीव कराविशी वाटली. पार्थ बावस्कर तर सावरकर प्रेमाने झपाटलेला च माणूस आहे. अतिशय बारकाव्या सहित तो ‘सावरकर‘ आपल्याला सांगत असतो.
शिकागोत विठ्ठल रखुमाईचं आगमन म्हणजे तर साक्षात स्वर्गच अवतरला असं वाटलं. हळूहळू जग सनातन धर्माकडे वळतय हे खरं.

मस्त लेख आहेत सगळेच.
पण त्यातल्या त्यात ‘जगणं’ हा वैचारीक लेख फारच छान आहे.
कवयित्रींची माहिती मालिका तर फारच उल्लेखनीय आहे.
इंदिरा संत, शांता शेळके, बहिणाबाई अशा कवयित्रिंच्या माहितीची आणि त्यांच्या कवितांच्या रसग्रहणाची मी वाट पहात आहे.
– प्रा सुनिता पाठक, छ्त्रपती संभाजीनगर

अतिशय समर्पक व प्रेरणादायी असे आव्हान देखील आपण समाजाला केलेले आहे. या महिलांना मानसन्मान मिळावा समाजाने आदराने पहावे हीच प्रांजळ भावना.
न्यूज स्टोरी टुडेचे मनःपूर्वक धन्यवाद🙏🏻
– संगीता मालकर. कोपरगाव

जीवन प्रवास…
राधिका भांडारकर यांनी छान परिचय करून दिला आहे.
प्राध्यापक वैद्य शार्दुल चव्हाण पित्ता विषयी छान माहिती.
रंगभूमी दिनानिमित्त पंकज काटकर यांची मुखवटा छान कविता.
“एकल महिलांसाठी फॅशन शो” हा खूप स्तुत्य उपक्रम आहे, काळाची आज गरज आहे. कोरोनाच्या काळात विधवांची संख्या वाढलेली आहे. कमी वयात वैधव्य आलेले आहे आणि खाण्यासाठी, राहण्यासाठी प्रश्न उभा राहिलेला आहे. तर स्वतःची हौस कशी करणार ? स्वतःच्या इच्छा कशा पूर्ण करणार ? समाजानेच पुढे येऊन त्यांना चांगले राहण्यासाठी काहीतरी केले पाहिजे. तसं पाहिलं तर हिंदू धर्मामध्ये विधवांना कुठलेच स्थान दिलेले नाही. सण समारंभ असो किंवा लग्न समारंभ विधवेला पूर्णपणे टाळले जाते. त्यामुळे त्यांना जे दुःख आहे ते तर असतेच पण सभोवतीही असे कार्यक्रम पार पाडले तर त्यांना खूप मानसिक त्रास होतो. प्रत्येक उपक्रमामध्ये, प्रत्येक कार्यक्रमामध्ये अशा स्त्रियांना समाविष्ट करून घेणे आज काळाची गरज बनली आहे. खरंच खूपच छान, स्तुत्य उपक्रम झाला. या कार्यक्रम आयोजकाना मनापासून सलाम.
– प्रा अनिसा सिकंदर. दौंड

‘अचूक निदान ‘…
वैद्यकीय माहितीचं हे पुस्तक सर्वांसाठी उपयुक्त ठेवाच आहे.👍
– वीणा गावडे. मुंबई

💐💐💐 N S T  च्या २८ मार्च च्या आवृत्तीतील “मुक्त चिंतन” जगणं म्हणजे… या शिर्षकाने लक्ष वेधले.
– लेखक श्री सुधीर ब्रह्मे.

प्रथम ओझरतं वाचन मग पठण झाले, मोबाईल दूर ठेवला. काही काळ तुम्ही मांडलेले मुद्दे मन चर्वण करु लागले. तुमचा दृष्टिकोन डोळ्यासमोर आणत गेलो. लेखणीतून मनोगत बाहेर येऊ लागले.
( १ ) घरातले घरातल्या जेवणात मिळते ते समाधान, हॉटेलमध्ये आनंद
( २ ) समाधानात ९९% तृप्ती असते. १% आनंद
( ३ ) उत्साह, समाधान कुठेच नसते. उत्साह हळूहळू उन्मादाकडे वळू लागतो
( ४ ) जगण्यात समाधान व्यक्तिसापेक्ष आहे. आनंद समष्टी सापेक्ष.
( ५ ) भिकाऱ्यावर टाकलेला कुत्सित कटाक्ष …..हा उन्मादच आहे.
अशी निवडक वाक्ये शोधून लिहावीत तर प्रत्येक वाक्यच शेलकच आहे.
खरं सांगू भगवद्गीतेत १८ अध्याय ७०० श्लोक…
सुधीर भाऊ तुमची ही सहा परिच्छेदी गीता आहे.
पहिल्या परिच्छेदात ११ ओळीं
दुसऱ्या परिच्छेदात १० ओळीं
तिसऱ्या परिच्छेदात ०६ ओळी
चौथ्या परिच्छेदात  १० ओळी
पाचव्या परिच्छेदात १० ओळी आणि अखेरच्या
सहाव्या परिच्छेदात १२ ओळी.
मनातलं बोलायचं झालं तर प्रत्येक परिच्छेद हा ब्रह्म परिच्छेद आहे.
एक मात्र जाणवलं की, लिखाणात जराही पाल्हाळपणा नाही. मोजक्या शब्दात सारच काही मांडलय. हातोटी स्पृहणीय आहे (माझ्या लिखाणातला  पाल्हाळपणा माफ कराल ना ?)
सुधीर भाऊ, आज मी ७८ त्तरीत आलोय. जीवनात आलेल्या भल्याबुऱ्या अनुभवातून जे धडे घेतले ते घरातल्या, परीचयातल्या युवा पिढीला सांगावे असे वाटते. पण ह्या तरुण पिढीकडे ऐकायला वेळच नसतो. कित्येक वेळा तर आजच्या सामाजिक परिस्थितीला आमच्या पिढ्यानाच जबाबदार ठरवतात. काही बंधने आपणहून स्वतःला घातलित तर चिंता मुक्त जीवन सहज शक्य आहे हे पटवून द्द्यावे, पण जाऊ दे. उघड्या डोळयांनी बघत रहायचे.
आणि आता माझ्या उर्वरीत जीवनात काय बदल घडवून आणता येणे शक्य आहे याचा धांडोळा घेऊन मुहूर्त न शोधता अंमलबजावणीला सुरवात करायची असे म्हणतोय. कोणी काय शिकायचं याला ना वयाची, जातीची, धर्माची, देशाची अट नसते हे मानणारा मी
वाट बघतोय आपल्या आगामी लेखाची
– प्रकाश पळशीकर. बावधन, पुणे.

छान आहे ऑस्ट्रेलियाची सफर..वाचनीय..धन्यवाद मेघनाजी.
शिकागो येथील विठ्ठल मंदिराबद्दल वाचून खूप आनंद झाला
नर्मदा परिक्रमा ..नर्मदा मैय्या भारावून टाकणारी
ओठावरलं गाणं …माणिक वर्मा यांच्या गोड गळ्यातील वेड लावणारे गाणे अप्रतिम.
– स्वाती वर्तक. मुंबई

दूरदर्शनचे निवृत्त संचालक अशोकराव डुंबरे यांना वाढदिवसाच्या हार्दिक शुभेच्छा!अशोकजींचा संपूर्ण लेख वाचला. ते माझे, आम्हा उभयतांचे कामात जीवलग स्नेही होते. मला खुप शिकायला अशोकराव मुळे मिळालं ! लेख खुपच आवडला !..
– सुधाकर तोरणे. निवृत्त माहिती संचालक. नाशिक

“अचूक निदान…” पुस्तकाची अचूक समिक्षा श्री सुधाकर तोरणे यांनी आपल्या अचूक शब्दात केली आहे. अभिनंदन. 👍👍👍
– ओमप्रकाश शर्मा, महासचिव,
गोविंदनगर जेष्ठ नागरिक संघ, नासिक

संत महादसा या महानुभव पंथातील फार थोर लेखिका. संताचे काम जनजागृती जी त्यांनी उत्तमरित्या केली. महानुभव पंथाचे एक मंदिर मठ फलटण इथे आहे. फलटण इथे गेलो की या महानुभव पंथ मठात हमखास नतमस्तक होण्यासाठी जावेच लागते. एक अतिशय दुर्लक्षिलेला पंथ आहे. पण जनजागृती म्हणाल तर अत्यंत अग्रेसर असा हा पंथ आहे. श्रीकृष्ण भक्त. या संगिता कुलकर्णी यांनी संत महादसा यांचेवर अतिशय अभ्यासपूर्ण लेख लिहून एक प्रकारे जनजागृती च केली आहे. संत महादसा साहित्यातील एक थोर साहित्य तारका आहेत. हे नक्कीच.
– जयंत ओक.

साहित्य तारका..
क्लास…
– अशोक समेळ. ज्येष्ठ साहित्यिक नाटककार

संगिता ताई खुपचं सुंदर लिहीलं आहे संत महदंबा विषयी खुप धन्यवाद 🙏🙏😊
– अर्चना मायदेव. पुणे

Whatever you have written is about sahityik and the knowledge you have is incredible. we are appreciated you. keep it up.
Thank you
– Vinay Dixit.

शिकागो कालिबरी .. विठ्ठल रखुमाई मंदिर चे वर्णन माधव गोगावले यांनी अप्रतिम केले आहे.
– संगीता सातोस्कर. मुंबई.

आमची माती आमची माणसं या मुंबई दूरदर्शन च्या अत्यंत महत्वाच्या कार्यक्रमांचे निर्माते दिग्दर्शक संहिता लेखक निवेदक एव्हढेच काय कॅमेरामन, रेकॉर्डीस्ट, आणि सर्व काही काम करणारे म्हणून अशोक डुंबरे यांचे महाराष्ट्राच्या हरीत क्रांती तील योगदान फार महत्वपूर्ण आहे.
1972 ते 1982 याकाळात 16 एम एम च्या फिल्मवर कार्यक्रमाचे शुटींग व्हायचे. याला वेळ आणि श्रम फार लागायचे,  त्यांच्याबरोबर शशिकांत भोसले, सर्जेराव चौधरी , कॅमेरामन, रेकाॅर्डीस्ट मिश्रा, एडिटर मंडळी असा ताफा आपल्या बरोबर असायचा.
आपल्या योगदानाबद्दल आणि वाढदिवसाच्या निमित्ताने आपणाला शुभेच्छा आणि शुभचिंतन.
– राम खाकाळ. निवृत्त निर्माता, मुंबई दूरदर्शन.

लता गुठे मॅडम यांचा
“सावरकर वाडा : अविस्मरणीय भेट” हा लेख वाचनात आला.
या भेटीचे त्यांनी नेमके, मुद्देसूद व प्रभावी वर्णन केले आहे, जणू काही वाचकाला प्रत्यक्ष भेट देत आहोत असं वाटावं..!! खूप छान !! मनापासून अभिनंदन !! शुभेच्छांसह !!
– उध्दव रिसबूड. संचालक, साहित्य कला संस्कृती धरा व्हॉटस् ॲप समूह

मॅडम, खूप छान सफर… वाचताना ऑस्ट्रेलिया सफर आपण डोळ्यांनी अनुभवतोय याचा प्रत्यय येतो.
– राजेंद्र ठाकूर

कोळी यांचे व्यक्तिचित्रण हृद्य झाले आहे…
– प्रल्हाद जाधव. निवृत्त माहिती संचालक. मुंबई.

अन्नधान्यातील भेसळ कशी ओळखाल ?…
Read a story.
Short but Sweet. Liked it. It was a best program with a good gathering of dignitaries, friends and youth too. I enjoyed the program, was glad to meet you all.
I could not wait till the last event. Sorry. But, anyhow, I learnt a lot. Good…….
– Dr D V Kasar. Pune.

एक एप्रिल : मजेशीर दिवस…
लेख आवडला.
– कवी विलास देवळेकर. मुंबई

डॉ सादिया: फातिमाबी यांच्या वर पीएचडी या बातमी विषयी पुढील प्रतिक्रिया प्राप्त झाल्या आहेत.
मुबारक हो
– मुज्जफर सैय्यद. चिपळून
so proud
– डाॅ कमर सरुर ऊर्दु गझकारा. अहमदनगर
बहूत बढिया
– कवयीञी अख्तर पठान. नाशिक
अभिनंदन
– कवयीञी मलेका नासिक
माशाअल्ला मुबारख हो
– डाॅक्टर बेनजीर. अहमदनगर
आत्मिक अभिनंदन
– कवयीञी आयेशा पठाण
बहूत सही
– कवी इंतेखाब फराश
मुबारक हो
– कवी सैय्यद अलाउद्दिन
अभिनंदन
– कवी शफी बोल्डेकर, हिंगोली
खूप छान
– कवयीञी दिलशाद सय्यद, अ.नगर
अभिनंदन
– कवयीञी रजिया सय्यद. नासिक
अभिनंदन बाजी
– परविन कौसर मुबारक उमराणे

अन्नधान्यातील भेसळ कशी ओळखाल या पुस्तक प्रकाशन निमीत्त लेखक श्री. अशोक कुंदप यांचे मनापासून अभिनंदन.सामाजिक दृष्टीकोन ठेऊन लिहिलेल्या या पुस्तकास चांगला प्रतिसाद मिळेल याची खात्री आहे.
नीला बर्वे यांचा एक एप्रिल: मजेशीर दिवस हा लेख आवडला. मनोरंजक आणि माहितीपूर्ण.जागतिक महत्वाचा एक हलका फुलका, मजेशीर दिवस या भावनेतून लिहिलेला परिपूर्ण लेख.
– राधिका भांडारकर. पुणे

सर,
अभिनव विमल दिवस उत्तम. माझा त्यांच्याशी फार जवळचा स्नेह होता.
– शत्रुघ्न लोणारे.
निवृत्त जिल्हा माहिती अधिकारी, नागपूर.

‘अभिनव विमल दिवस’ छान वाटला. त्यांची सर्व मुले उच्च विभूषित पाहून खूप कौतुक वाटले. सर्व मुले इतकी कर्तुत्ववान याचे त्या कर्तुत्ववान माता-पित्याला किती अभिमान वाटला असेल !🙏
– नीला बर्वे. सिंगापूर

नीला एवढी सविस्तर माहिती दिली आहेस . ग्रेट 👌🏼👌🏼
– आरती करमरकर, सिवूड, नवी मुंबई.

नीला, तुझी स्टोरी अभ्यासपूर्ण आहे. तुझे कौतुक करावे तेवढे थोडे आहे. एवढा वेळ तुला कसा काय मिळतो ग ? खरंच तू ग्रेट आहेस. माझ्याकडे दुसरे शब्दच नाहीत. 🙏
– मोहिनी एकबोटे, ठाणे

आला उन्हाळा तब्येत सांभाळा, डॉक्टर हेमंत जोशी यांची उन्हाळ्यात तब्बेतीची काय काळजी घ्याल आणि जर ऊन लागले तर काय उपाय कराल ही माहिती आवडली आणि उपयुक्त आहे.
– अनिल दस्तूरकर, नांदेड.

सौ.राधिकाताई ,
सप्रेम नमस्कार….
आदरणीय अरुणाताई यांनी आपण लिहिलेल्या जीजी पुस्तकाचा परिचय वाचनात आला.
त्यांनी केलेले विवेचन पुस्तकातील लेखन हे किती भावनिक व समृद्ध आहे, हा विश्वास आहे. तो पुस्तक वाचनानंतर कधीतरी आत्मविश्वासाकडे नेईल याची खात्री आहे.
आपले पुस्तक वाचावे ही मनीषा आहे. कोणत्याही निमित्ताने आपली भेट होईल, तेंव्हा हे पुस्तक मिळेल याची खात्री आहे
राधिकाताई, आपले लेखन हे शाश्वत व सुवर्णांकन असते, याचा परिचय मला समर्पण च्या साकारण्यात आला आहे.
आपले लेखन उत्तरोत्तर समृद्ध शब्दांकन होईल हा आशावाद सत्यात येईलच.
आपल्या लेखनाला शुभेच्छा.
– अरुण पुराणिक. पुणे

हलकं फुलकं या सदरात प्रसिध्द झालेल्या “एप्रिल फूल” या लेखावरील अभिप्राय पुढीलप्रमाणे आहेत.

I have gone through. As usual nicely written with several references to know how this funny concept of April Fool born. Informative n equally entertaining.👍
– Shri Ranjitsinh Chandel. Yavatmal

Very nice
– Shri Vijay Satpute

👌👌
– डॉ संभाजी खराट

छान माहितीपूर्ण लेख
– श्री भिक्कू महेंद्र कौसल, निवृत्त संचालक (माहिती)

लेख छान आहे अभिनंदन ! आता तुम्ही दीर्घ स्वरूपाच्या ललित लेखनाकडे वळायला हवे असे वाटते, शुभेच्छा  !
– श्री प्रल्हाद जाधव,
निवृत्त संचालक (माहिती)

एप्रिल फुल चा इतिहास वाचनीय आहे. 😂
– श्री सुधाकर धारव, निवृत्त उपसंचालक (माहिती)

– टीम एनएसटी. ☎️ 9869484800