वाट अवघी कंटकांची, रान विषारी फोफावले….
विस्तारा अधिर पिवळे तण हे, एक दुर्वांकूर उगवला पाहिजे !
घोषणा-प्रतिघोषणांचे नगारे, जन मानस हतबल होई….
वृथा वल्गनांच्या कल्लोळात ही, आश्वस्त आवाज पोहोचला पाहीजे !
खुषमस्करे माजले दरबारी अनेक, गोडवी अनाठायी गाती भाट….
टाळूनी दगडे ‘ गंडकी ‘ तली, खरा शालिग्राम वेचला पाहीजे !
अध्यात्म अधिष्ठान आपले जुने, वैराग्य वृत्ती सन्मानलेली….
संस्कृती वरी घाव येता परी, तलवार ही तळपली पाहीजे !
अस्त जाहला त्रेतायुगाचा, पुत्र करी आज्ञा पित्यासी आता….
राम कृष्ण ही झाले स्तंभित म्हणे, नव्याने कृष्णनीती रचली पाहीजे !
— रचना : उपेंद्र कुलकर्णी. सिंगापूर
— संपादन : देवेंद्र भुजबळ. ☎️ 9869484800
सद्य परिस्थिती मांडणारी कविता. उत्कृष्ठ शब्दांकन. दुर्वांकुर उगवलाच पाहिजे. तलवार सुध्दा तळपलीच पाहिजे.
असेच सुंदर लिहीत रहा.
मनोज पटेल – ठाणे
मनःपूर्वक आभार मनोज
धन्यवाद सर्वांना. असेच प्रोत्साहन देत रहा.
तलवार ही तळपली पाहिजे
उत्साह व स्फुरती वाढवणारी कविता
अभिनंदन सरजी
गोविंद पाटील सर जळगाव जिल्हा जळगाव.
सुंदर