स्त्रियांच्या प्रगतीमागे बाबासाहेबांचाच हात
प्रत्येक गरीब, सामान्य जनतेचे नेते होते
शिक्षणाचा अधिकार त्यांच्यामुळे मिळाला खास
वारसा हक्क हिंदू कोड बिलाद्वारे संरक्षण होते – १ –
संविधानिक हक्क मिळवून दिला स्त्रियांना
मतदान अधिकार मिळाला त्यांच्यामुळे स्त्रियांना
घटस्फोटाचा अधिकार तो प्राप्त झाला स्त्रियांना
पुनर्विवाहाचा अधिकार दिला त्यांनी स्त्रियांना – २ –
दत्तक घेण्याचा अधिकार मिळाला तो स्त्रियांना
अनिष्ट अशी देवदासी प्रथा बंद केली त्यांनी
मालमत्तेचा अधिकार प्राप्त झाला तो स्त्रियांना
बहुपत्नीत्वाच्या प्रथेला पायबंद घातला त्यांनी – ३ –
समान कामाचे समान वेतन ही त्यांच्यामुळे
नोकरीचा हक्क मिळाला तो स्वावलंबी व्हायला
प्रसूतीची रजा मंजूर झाली स्त्रियांना त्यांच्यामुळे
स्वतंत्र व्यक्तिमत्त्व मिळवून दिले त्यांनी स्त्रीला – ४ –
— रचना : बाबू फिलीप डिसोजा कुमठेकर. पुणे
— संपादन : देवेंद्र भुजबळ.
— निर्माती : सौ अलका भुजबळ. ☎️ +91 9869484800