घर

चार भिंतींनी सजले
घर सुंदर स्वप्नांचे
सुख शांती समाधान
सूर जुळावे सर्वांचे //१//

सुगंधित रातराणी
अंगणात बहरावी
मोगऱ्याच्या वेलीवर
कळी उमलून जावी//२//

आई बाबा असावेत
पाया भक्कम घराचे
करा आदर सन्मान
मन जपावे दोघांचे//३//

घरातील सर्वांमध्ये
झरा वाहत रहावा
आपुलकी विश्वासाचा
जपू नात्यांचा ओलावा//४//

नात्यांच्याच बंधनात
राहू विश्वास प्रेमाने
देऊ साथ एकमेका
धागा जोडून मनाने//५//

नांदणार आपुलकी
जेव्हा बळ असणार
एकी प्रेम विश्वासाचे
घर तेव्हा सजणार//६//

राहू सारे आनंदाने
नको कधी भांडायाचे
तेव्हा होईल सुंदर
घर आपले स्वप्नांचे //७//

– रचना : परवीन कौसर. बेंगलोर
–  संपादन : देवेंद्र भुजबळ. ☎️ 9869484800