आदरणीय शाहीर अण्णाभाऊ साठे यांना
जयंतीदिनी विनम्र अभिवादन.
आवाज पाहिजे बघ अण्णा तुझ्या डफाचा
फाडून टाकण्याला बुरखा पुन्हा जगाचा
फकिरा नवा लिहाया घे लेखणी नव्याने
आहे गरज नव्याने घे जन्म त्या नराचा
टपले जुनेच वैरी तोडावयास मुंबा
विश्वास राहिला ना तू बांधल्या घराचा
ज्याच्या हजार तारा ते तुणतुणे कशाचे ?
जर एक सूर नाही तो तोड एकदाचा
राजा मनामनाचा तू झोपड्यात होता
घे घे सलाम माझा तुज जन्मल्या दिनाचा
— रचना : यशवंत पगारे. बदलापूर
— संपादन : देवेंद्र भुजबळ. ☎️ 9869484800