आई तू नसतीस तर
नसता मिळाला जन्म
नसते मिळाले संस्कार
नसती मिळाली प्रेरणा ||१||
संकटावर मात करून
जगण्याची चिकाटी
तू पायांच्या भेगा झेलत
दिली मुठीत स्वप्न ||२||
केलेस हात मोकळे
मनात पेरलास स्वाभिमान
ताठ कणा शिक्षणाने
विद्यापीठाचा किल्ला सर करून ||३||
भरली तुझी ओटी
केली तुझी सारी स्वप्न
अंगणात झोपताना
दाखवले अनंत तारे ||४||
पार केले देश परदेश सारे
अढळ पदावर जाणारे
मार्ग तुच प्रकाशमय केलेस
तू नसतीस तर नसते अस्तित्व ||५||
— रचना : डॉ अंजली सामंत. डहाणू
— संपादन : देवेंद्र भुजबळ. ☎️ 9869484800