आज, राजश्री शाहू महाराज यांची जयंती आहे. या निमित्ताने त्यांना अर्पण केलेली ही शब्दांजली.
शाहू महाराजांना विनम्र अभिवादन.
— संपादक
कागल गावात, बाळ जन्मा आले।
स्वप्न साकारले, घाटग्यांचे ॥१॥
आनंदीबाईनी, दत्तक घेतले।
यशवंत झाले, आता शाहू ॥२॥
बहुजन दु:ख, जाणले शाहूने।
दिले प्रोत्साहन, शिक्षणास ॥३॥
दिला न्याय, जातीभेद दूर।
उघडले दार, बहुजन ॥४॥
दीन दुबळ्यांचे, होते कैवारी।
दूर केली, शिक्षणाची दरी ॥५॥
भटक्या, दीन दलितांना।
दिला गरजूंना, कामधंदा ॥६॥
शूरवीर योध्दा, विकासासाठी।
दिले जनहिता, आरक्षण ॥७॥
झिजवली काया।
लावली माया, रयतेला ॥८॥
भीम घडले, दिली शिष्यवृत्ती।
झाली कीर्ती, समाजात ॥९॥
साधला विकास, दिली चित्रकला।
लोककला, राजाश्रय ॥१०॥
रूढी परंपरा, तोडून बंधन।
दिला सन्मान, महिलांना ॥११॥
दाखविले सत्य, कर्मठपणास।
अंधश्रद्धेस, तिलांजली ॥१२॥
त्यांचे नाव, शाहू महाराज।
बहुजना ताज, शाहू राजे ॥१३॥
— रचना : अनिसा सिकंदर. पुणे
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800