स्वातंत्र्यवीर सावरकर

स्वातंत्र्यवीर सावरकर यांची आज पुण्यतिथी आहे. त्यानिमित्ताने त्यांना वाहिलेली ही शब्द सुमनांजली. स्वातंत्र्यवीर सावरकर यांना विनम्र अभिवादन.
— संपादक

त्यागिले तयानी स्वजीवन
घेऊनी स्वराज्याची आण
वाढवूनी गे स्वतःची शान
समर्पिले हो आपुले प्राण..1

पडले धारातिर्थी बहुजन
होऊनी नतमस्तक सर्वजण
करुनिया अविरत वंदन
स्वभूमीस कित्येकजण. 2

जाज्वल्य काव्य प्रसवले
तैल बुद्धीमत्तेचा शूरवीर
कागद ना लेखणी शिवाय
कारागृहाच्या भिंतीवर.. 3

लेखणी त्यांची, विचार जहाल
अन्यायाची पेटवी मशाल
अशा देशभक्ताचा आपण
करू या जयजय सन्मान..4

सावरकर ते येथे जन्मले
त्याग करुनी वाढवूनी शान
जुंपून घाण्यास हाल झाले
वीर होऊनी जाहले महान.. 5

अनादी अनंत, महान कार्य
मारता शत्रूस, झुंझुनी मरेन
वाणी लेखणीसह जीवन सार्थ
थोर वीरास शतशः नमन.. 6

— रचना : सौ.मीना घोडविंदे. ठाणे
— संपादन : देवेंद्र भुजबळ. ☎️ 9869484800