बाराक्षरी काव्य रचना
माझ्या मनातील बाप्पा लंबोदर
वक्रतुंड नाम शोभे खरोखर
प्रारंभी विनती तुजला करतो
रूप भाग्यवान दिसे मनोहर
मुषकी वसे घेऊन लगामास
विश्वे सुख दुःख घेई लंबोदर
नेत्र नाजुकशी अचुकता छान
दिव्य दृष्टी सामावते खरोखर
बाप्पा विनवती भक्त जन सारे
नच व्हावे मुर्तीचे अवडंबर
साऱ्या विश्वाचा तू ब्रम्हांडनायक
जाणीतो विश्व कल्याणाचे प्रहर
तुज नको सोने चांदी अलंकार
भक्ता मुखी हवा जयजयकार
पत्र,पुष्प,फल निसर्ग निर्मित
नामस्मरण करावे हो त्रिवार
ढोल ताशा नको ध्वनी प्रदुषण
कर्कश आवाज बेगडी ते नृत्य
हवे स्तोत्र स्तवन गायन नवे
दश दिनी कार्य व्हावे मुखी स्तुत्य
— रचना : सौ.शोभा कोठावदे. नवी मुंबई
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800