Homeसेवानवी मुंबई : मधुमेह, डोळ्यांच्या आरोग्याबाबत जनजागृती

नवी मुंबई : मधुमेह, डोळ्यांच्या आरोग्याबाबत जनजागृती

जागतिक मधुमेह दिनाचे औचित्य साधून, माधवबागचे संस्थापक डॉ. रोहित साने आणि श्री रामकृष्ण नेत्रालयाचे संस्थापक डॉ. नितीन देशपांडे यांच्या संयुक्त पुढाकारातून, श्री रामकृष्ण नेत्रालय आणि माधवबाग यांच्या संयुक्त विद्यमाने १४ नोव्हेंबर २०२६ रोजी विशेष आरोग्य जनजागृती कार्यशाळांचे आयोजन करण्यात आले होते.

मधुमेहग्रस्त रुग्णांमध्ये डोळ्यांच्या आरोग्याविषयी जागरूकता निर्माण करणे आणि मधुमेहामुळे उद्भवणाऱ्या डोळ्यांच्या गुंतागुंतींबाबत माहिती देणे हा या उपक्रमाचा मुख्य उद्देश होता.

मधुमेह व्यवस्थापन आणि नेत्रआरोग्य या दोन महत्त्वाच्या वैद्यकीय क्षेत्रांना एकत्र आणून रुग्णांना अधिक व्यापक आरोग्यसेवा उपलब्ध करून देण्याच्या उद्देशाने दोन्ही संस्थांच्या संस्थापकांनी हा उपक्रम हाती घेतला.

या उपक्रमाचे आयोजन श्री रामकृष्ण नेत्रालयाच्या चार केंद्रांमध्ये करण्यात आले. यामध्ये वाशी, सीवूड्स, चेंबूर आणि मुलुंड या केंद्रांचा समावेश होता. प्रत्येक केंद्रावर माधवबागच्या संबंधित शाखांच्या सहकार्याने रुग्णांपर्यंत आरोग्यविषयक माहिती आणि नेत्रतपासणीची सुविधा पोहोचविण्याचा प्रयत्न करण्यात आला.

मधुमेह आणि डोळ्यांचे आरोग्य : वेळीच तपासणी महत्त्वाची
मधुमेहाचा परिणाम केवळ रक्तातील साखरेपुरता मर्यादित नसून त्याचा डोळ्यांच्या आरोग्यावरही गंभीर परिणाम होऊ शकतो. मधुमेहामुळे उद्भवणाऱ्या डायबेटिक रेटिनोपॅथी या आजारामध्ये डोळ्यांच्या पडद्यावरील रक्तवाहिन्यांचे नुकसान होऊ शकते. सुरुवातीच्या टप्प्यात अनेकदा कोणतीही ठळक लक्षणे दिसत नाहीत. त्यामुळे नियमित नेत्रतपासणी आणि वेळेवर निदान अत्यंत आवश्यक आहे.

या कार्यशाळांच्या माध्यमातून मधुमेहग्रस्त रुग्णांना डायबेटिक रेटिनोपॅथी, त्याचे संभाव्य परिणाम, प्रतिबंधात्मक उपाय आणि नियमित नेत्रतपासणीचे महत्त्व याबाबत मार्गदर्शन करण्यात आले.

दोन संस्थापकांचा पुढाकार : एकत्रित आरोग्यसेवेचा संकल्प
माधवबागचे संस्थापक डॉ. रोहित साने यांनी दीर्घकालीन आजारांच्या व्यवस्थापनामध्ये योग्य जीवनशैली, आहार, व्यायाम आणि सातत्यपूर्ण वैद्यकीय मार्गदर्शन यांचे महत्त्व अधोरेखित करणाऱ्या आरोग्यसेवा पद्धतीला चालना दिली आहे तर श्री रामकृष्ण नेत्रालयाचे संस्थापक डॉ. नितीन देशपांडे यांनी आधुनिक नेत्रचिकित्सा, वेळेवर निदान आणि नेत्ररोगांबाबत जनजागृती यांना विशेष प्राधान्य दिले आहे. या दोन्ही संस्थापकांच्या पुढाकारातून मधुमेह व्यवस्थापन आणि नेत्रआरोग्य यांच्यातील महत्त्वाचा संबंध अधिकाधिक रुग्णांपर्यंत पोहोचविण्यासाठी हा संयुक्त उपक्रम राबविण्यात आला.

मधुमेह असलेल्या प्रत्येक व्यक्तीने केवळ रक्तातील साखरेच्या नियंत्रणावर लक्ष केंद्रित न करता डोळे, हृदय, मूत्रपिंड आणि इतर अवयवांच्या आरोग्याचीही नियमित काळजी घेणे आवश्यक आहे, हा व्यापक आरोग्यविषयक संदेश या उपक्रमाच्या माध्यमातून देण्यात आला.

वैद्यकीय तज्ज्ञांचा सहभाग आणि संयुक्त प्रयत्न
या उपक्रमामध्ये दोन्ही संस्थांच्या वैद्यकीय तज्ज्ञांनी सक्रिय सहभाग घेतला. माधवबागचे Head of Medical Operations, डॉ. बिपिन गोंड यांचे या उपक्रमाला महत्त्वपूर्ण मार्गदर्शन आणि सहकार्य लाभले. त्यांच्या वैद्यकीय नेतृत्वामुळे या संयुक्त उपक्रमाच्या नियोजनाला आणि अंमलबजावणीला अधिक बळ मिळाले.

वाशी केंद्रात डॉ. अमोल मेखले, चेंबूर केंद्रात डॉ. लक्ष्मी बासुतकर, सीवूड्स केंद्रात डॉ. दर्शना चौधरी आणि मुलुंड केंद्रात डॉ. प्रसाद देशपांडे यांनी या उपक्रमात महत्त्वपूर्ण योगदान दिले.

दोन्ही संस्थांच्या समन्वयातून रुग्णांपर्यंत पोहोचणे, त्यांना कार्यशाळेसाठी प्रोत्साहित करणे आणि आरोग्यविषयक जनजागृती करणे यासाठी विशेष प्रयत्न करण्यात आले.

प्रतिबंधात्मक आरोग्यसेवेकडे एक महत्त्वाचे पाऊल
मधुमेहासारख्या दीर्घकालीन आजारांमध्ये केवळ उपचार नव्हे, तर वेळेवर तपासणी, योग्य जीवनशैली आणि सातत्यपूर्ण वैद्यकीय मार्गदर्शन यांनाही तितकेच महत्त्व आहे. श्री रामकृष्ण नेत्रालय आणि माधवबाग यांच्यातील हा संयुक्त उपक्रम आरोग्यसेवेतील समन्वयाचे एक सकारात्मक उदाहरण ठरला. विविध वैद्यकीय क्षेत्रांतील तज्ज्ञांच्या सहकार्याने रुग्णांना अधिक व्यापक आणि प्रतिबंधात्मक आरोग्यसेवा उपलब्ध करून देण्याच्या दिशेने हा एक महत्त्वपूर्ण प्रयत्न आहे. “वेळीच तपासणी, योग्य उपचार आणि आरोग्याविषयी जागरूकता हीच निरोगी जीवनाची गुरुकिल्ली !”

डॉ. रोहित साने आणि डॉ. नितीन देशपांडे यांच्या संयुक्त पुढाकारातून सुरू झालेला हा आरोग्य जनजागृतीचा प्रयत्न भविष्यात अधिक व्यापक स्वरूपात राबविण्याचा दोन्ही संस्थांचा मानस आहे.

श्री रामकृष्ण नेत्रालय आणि माधवबाग भविष्यातही अशाच विविध आरोग्यविषयक उपक्रमांच्या माध्यमातून समाजामध्ये आरोग्य जनजागृती करण्यासाठी आणि अधिकाधिक लोकांपर्यंत प्रतिबंधात्मक आरोग्यसेवा पोहोचविण्यासाठी कटिबद्ध आहेत.

सर्वेश आभंग

— लेखन : सर्वेश संतोष अभंग. नवी मुंबई.
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments